有新進展~~~

話說尋日2間貓房都要大掃除.下晝放左半日假進行工程.
先清潔仔B間毛毛 飄雪樂園房.房內有大量積雪,個3層籠好似生晒擒羅絲芒咁!!!!
清除晒D積雪就要洗籠,咁我就放佢自由行,一開房門,仔B走左去班哥哥姐姐既房門口.坐係到唔陏.
到我洗好個籠等乾既時候,到要清班豬仔間房,我一開門,仔B係先伸個頭入去望望下,望左一陣就行左入去.......
3貓豬一見到仔B就圍住佢,傻傻地既青雲首當其充俾仔B招左一巴.今次我無阻止,就得仔B fee.
fee左2次,個傻仔走去撩返青雲玩........
我一路清d水機呀,糧兜果d,仔b就不停咁拎哥哥d玩具玩,跟住我去左洗野,開晒2度門,由得佢地玩.
亞咩少就係呢個時候去左偷食仔b D糧 = =......
洗完晒野返黎,已經見咩咩食晒仔B D野......仔B同青雲追波波玩,PIANO就坐係糧兜前等我俾罐罐
到我執好晒D野,抱仔B返佢自己間房既時候佢竟然...............唔想走!!!!!
我抱佢行出房門佢就開始瓜瓜嘈!!!!
仔呀你同佢地玩一陣就已經個"格拉底"打晒CLIK啦!!!
見執完野得閒,幫仔B沖左個涼........結果廁所都變左飄雪樂園....................