埋線減肥法

由於本人身體太差,水腫得好誇張,成個新陳代謝都接近唔陏咁(即係太肥啦).幾個月前有朋友介紹去試一個叫埋線既野,埋線主要係調理身體為大前提.因為埋線係由針炙轉變出黎,針炙就只係你去中醫到針果一個鐘會刺激到穴道,而埋線就係將一條浸過中藥既會溶化既手術用線埋係穴位上.條線約15-20日後完全溶化,溶化後就可以再進行下一次既埋線.因為我係連打針都要同醫生講數既人.所以我一直都唔敢去,直到上一個星期四俾亞媽"的"左我上去........

老實講係心理壓力,唔知支針幾時拮落黎比例驚,痛都ok可以接受既.因為尋日我自動上左去補針.
第一次係個肚上 ,背脊,腳上, 總共針左約廿幾30針,而補針就約補10針左右.

不如講下個結果先啦,一星期減左7磅,腰減左3cm,pat pat 減左4cm.
神奇既野就係,你咩都食得,唔洗運動,唔洗介口,因為自己係會自動停手.
我就算好想食都好,隻手都會自動擺低對快子.

尋日補左針之後就一直到d線溶晒先要再去啦.